Десет возила со кои Русија го освојува Арктикот

Ан-72

Дмитриј Жердин/Википедија

Антонов Ан-72 е совршен авион за Арктикот. Со моторите кои се наоѓаат над крилата и кратката писта за полетување (помалку од еден километар), тој без проблем слетува на мали ледени површини и аеродроми покриени со снег. 

Камаз-Арктик 

Павел Лисицин /Sputnik

Во тек е тестирањето на новиот камион на познатиот руски производител „Камаз-Арктик“. Ова возило е вистинска куќа на тркала, со дневна соба, кујна и со доволно простор за три лица. 

Ми-8АМТШ-ВА 

Марк Агнор/Sputnik

Овој хеликоптер е специјално конструиран за суровите арктички услови. Ми-8 АМТШ-ВА може ефикасно да функционира на температури од -40 степени според Целзиус и ноќе. И покрај тоа што првенствено е наменет за војската, може да се користи и за цивилен транспорт, во спасувачки мисии и во крајбрежни истражувања на наоѓалишта на нафта и гас. 

ДТ-10ПМ и ДТ-30ПМ 

Sputnik

Од времето на Советскиот Сојуз овие две дводелни возила за сите терени се незаменливи „товарни коњи“ на Арктикот и во тешкопристапни региони на земјата. Освен тоа ДТ-10ПМ и ДТ-30ПМ спаѓа меѓу најмоќните возила за сите терени на светот. 

Нерпа 550 

Силните снежни бури не им можат ништо на возилата за снег „Нерпа 550“ кои се движат на скии со помош на пропелер, дури и при удари на ветар од 25 метри во секунда. 

Ховеркрафт „Арктика”

Алексеј Малгавко/Sputnik

Ховеркрафтот „Арктика“ е конструиран да оди онаму кадешто другите возила не можат и тоа по сите временски услови. Може да носи до пет тони товар или 50 луѓе на растојание од над 1.100 километри со полн резервоар. 

Бурлак 

Ова арктичко теренско возило со причина го има добиено името по „бурлаците“, работници кои во времето на руската империја влечеле баржи и други пловила низводно по реките. Основната намена на возилата е транспорт на голем товар со тежина до два тони. 

Буран 

Алексеј Даничев/Sputnik

Речиси 50 години легендарното советско возило за снег со име „Буран“ (снежна бура) служеше на Арктикот. Едноставен за управување и за одржување, „Буран“ може ефикасно да се движи низ длабок снег и да влече 250 килограми товар. 

Кучешки запреги 

Александар Крјажев /Sputnik

Ова е најстариот начин на превоз на Арктикот и се користи до денес. Секое возило може да се расипе, додека овие животни никогаш нема да ве изневерат. 

Ил-76

Алексеј Резниченко/Википедија

Авионите Иљушин Ил-76 понекогаш слетуваат на замрзнати авионски писти во арктичката зона, што не е лесна задача. Нивната главна намена, сепак, е да исфрлаат товар (со падобрани) за арктичките експедиции.

При користење на материјалите на Russia Beyond задолжителен е хиперлинк до изворот од кој е преземен материјалот.