Видео: Во Русија авиони-ловци повторно слетаа на автопат

Скриншот
На интернет се појави видеоснимка на која воени авиони во Хабаровскиот крај слетуваат на автопат на кој претходно е запрен сообраќајот.

Снимката од слетувањето на ловците ја направија возачите кои стоеја во колоната на автопатот Комсомолск – Хабаровск, пишува „Амурмедиа“. На снимката се гледа како авионот прелетува неколку метри над автомобилите и слетува на патот. Колоната автомобили беше долга неколку километри.  

Се соопштува дека тоа била планирана воена вежба. Ловци Су-30СМ, Су-35С и МиГ-31 тргнаа во пресретнување на условниот непријател применувајќи фигури на акробатско летање, а потоа се впуштија во борба на помали и поголеми растојанија. Потоа авионите избегнаа гаѓање од земјата и слетаа на скратената и условно оштетена писта.

Во маневрите учествуваа и други авиони, како и хеликоптери.

Сообраќајот на делницата од 91 до 93 километар на автопатот ќе биде запиран неколку часови на 17, 20, 21 и 23 август, соопштија хабаровските власти.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња