Руски мегафабрики: Рудник за јаглен во кој царуваат џиновски камиони

Кузбас е едно од најголемите наоѓалишта на јаглен во светот. Се наоѓа во Кемеровската област (Сибир) и опфаќа 58 рудокопи и 36 површински ископи.

Кузбас е едно од најголемите наоѓалишта на јаглен во светот. Се наоѓа во Кемеровската област (Сибир) и опфаќа 58 рудокопи и 36 површински ископи.

Слава Степанов / GELIO
Кузнецкиот басен (Кузбас) претставува едно од најголемите наоѓалишта на светот. Се наоѓа во Кемеровската област во Сибир. Најстарите резерви на јаглен на Кузбас според процените датираат од пред 350 милиони години.
Кузбас произведува околу 56% темен, околу 80% камен јаглен и 100% кокс во Русија.
Најстариот јаглен ископан во Кузбас е проценет на околу 350 милиони години
Рудникот за јаглен Талдински моментално е еден од најперспективните површински ископи во Кемеровската област. Неговата експлоатација е започната во 1986 година и понатаму активно се развива.
Резервите на ископот на Талдински надминуваат 900 милиони тони. При сегашното ниво на експлоатација, околу 8.2 милиони тони годишно, овие резерви се доволни за повеќе од наредните 100 години. Овде предвид не е земена третата линија на резерви на јаглен, која се проценува на уште една милијарда тони.
Над 147 тешки кипери БелАЗ и Komatsu се вклучени во секојдневниот процес на експлоатација на јаглен. Носивоста на овие џиновски камиона се движи од 40 до 320 тона.
Најголемиот камион во коповите е БелАЗ 756000, се произведува во Белорусија,  се одликува со носивост од 320 тона, а под целосно оптоварување тежи неверојатни 560 тони. Ова е еден од најголемите камиони произведени во светот. Апсолутен светски рекордер е БелАЗ 75710, кој се одликува со носивост од 450 тона, што е за 50 тона повеќе од конкуренцијата од САД (Caterpilar) и Германија (Liebherr).
БелАЗ – 756000 може во еден наврат да земе цели три вагони камења, кал и друг отпад.
Потрошувачката на гориво на овој камион е за восхит: тој троши цел тон дизел горива на 100 км. Неговиот резервоар е исто така импресивен – 4.360 литри. Секоја гума на БелАЗ 756000 тежи 8 тони и чини околу 28.600 американски долари. За да се промени гума на овој камион потребно е да се донесе специјален кран.
Кемеровските рудници работат 24 часа дневно, а работата запира само за новогодишните празници.
Дури и во услови кога нема ветар се креваат облаци прав и смог, кои се последица од работата на моторите со внатрешно согорување сместени во басенот. На екстремно ниски температури, кога надворешната температура се спушта под -40 степени според Целзиус, машините се исклучуваат додека повторно не се загрее.
Јагленот е еден од првите облици на фосилни горива експлоатирани од страна на човекот. Неговата употреба ја забрзала Индустриската револуција. Со текот на времето во процесот на експлоатација на јаглен користена е сета современа технологија.
Главно, кузнецкиот јаглен се користи во Западен Сибир, Урал и во европскиот дел на Русија. Но, во последно време за околу 41% порасна неговиот извоз во Европа.
Во просек, за време на согорувањето на еден километар јаглен се ослободуваат околу 2.93 килограми јаглероден диоксид (CO2).
Во шеесеттите години од минатиот век половината од светската енергија се произведувала од јаглен, а во седумдесеттите години од минатиот век овој удел опаднал за една третина. Употребата на јаглен вообичаено се зголемува кога на светскиот пазар се високи цените на нафта и на други извори на енергија.
Цената на јагленот зависи од неговото значење во дадениот момент и од квалитетот, а врз нејзиното формирање големо влијание имаат и транспортните трошоци. Средната цена на еден тон јаглен во Русија изнесува околу 100 американски долари.