„Женска вијагра“ - најдобар нов медицински препарат во Русија

Getty Images
Во технопаркот Сколково избрани се најдобрите стартап-проекти, од кои поголем број се од областа на медицината и на индустријата.

За разработка на препаратот со функција „женска вијагра“ руската компанија „Ивикс“ го освои првото место на годинашнава конференција Startup Village која се одржа во технопаркот Сколково и доби награда од 5 милиони рубли (речиси 90 илјади американски долари). Конференцијата Startup Village се одржува од 2012 година, има околу 20 илјади учесници од повеќе од 80 земји од светот.

Што ја лекува жената?

„'Женска вијагра' е само условен назив на нашиот препарат, зашто 'вијаграта' ја лекува еректилната дисфункција, а тоа кај жените, секако, го нема“, коментира директорот на Ивикс Дмитриј Голиков. Препаратот е создаден на база на нов, претходно непознат молекул кој влијае на мозокот, вели тој.

Press Photo
sk.ru
 
1/2
 

„Нашиот препарат влијае на мозокот и на сексуалното однесување во целина, кое може да се подели на две функции: сексуална и репродуктивна, па затоа можеме да лекуваме и бесплодност“, вели тој. Тоа е назален спреј и не влијае никако на хормоните“, прецизира Голиков. Работата на проектот траела четири и пол години.

Идејата за „женска вијагра“ е на академикот на Руската академија на науките Николај Мјасоедов, кој е и ментор на проектот, а новиот молекул во 2014 година во Русија стана еден од 100 најдобри изуми.

Новите медицински проекти се во тренд

Третото место на конкурсот го освои уште еден медицински старт-ап „ОТ-82“ препарат на компанијата „Онко Тартис“ за лекување акутни леукемии (награда од 2 милиони рубли – околу 35 илјади американски долари).

Развивањето на ваквите медицински проекти е тешко и скапо не само во Русија, ами и во целиот свет, вели Камила Зарубина, постар менаџер за проекти на биолошката и на медицинската технологија на фондацијата „Сколково“. Новиот лек се појавува на пазарот дури по 10-12 години работа, а на истражувањата се трошат милиони долари.

Во биомедицината до скоро никој не сакаше да вложува но состојбата се менува, вели Голиков. Слични проекти во Русија поддржува не само фондацијата „Сколково“, ами и специализирани венчур-фондови, институти за развој и различни програми на ресорните министерства.

При користење на материјалите на Russia Beyond задолжителен е хиперлинк до изворот од кој е преземен материјалот.