Тешкиот живот на жените во Таџикистан

Да се биде жена // Адила има маж и три сина, но ги нема видено две години. Сите четворица работат во градот Омск и не можат да се вратат дома зашто работодавачот им ги одзел пасошите и не сака да им ги врати.

Да се биде жена // Адила има маж и три сина, но ги нема видено две години. Сите четворица работат во градот Омск и не можат да се вратат дома зашто работодавачот им ги одзел пасошите и не сака да им ги врати.

Екатерина Савина
На овие фотографии е претставен животот на жените во Таџикистан, една од најсиромашните земји во Централна Азија. Најмалку 1.5 милиони Таџикистанци живеат и работат во Русија. Тоа го прават за да ги нахранат своите семејства зашто во нивната земја владее голема невработеност. Во поголем број од случаите станува збор за момчиња кои работат тешка и опасна работа со која Русите не сакаат да се занимаваат. Ова е и причината зошто Таџикистан стана „земја на жените“. Тие се грижат за сè – за куќата, за децата и за старите родители, и ги решаваат секојдневните проблеми. Намерата на авторот на овие дела е да прикаже како тие живеат без мажите.
Да се чека // Фаришта го нема видено својот сопруг речиси една година. Само три недели по нивната венчавка тој заминал во Русија да работи.
Да се биде силна // Анзурат живее во село оддалечено осум километри од патот. Сиот мебел морала самата да го пренесе до домот.
Да се надеваш // Гулнамо и нејзиниот сопруг штедат за нова куќа. Тој работи во Русија 8 месеци годишно, така што за тоа време Гулнамо самата води грижа за куќата и за семејството. Се надеваат дека изградбата ќе започне за две години.
Да се биде послушна // Сунам не сака на фотографијата да ѝ се гледа лицето, зашто се плаши дека нејзиниот сопруг во Русија може да види дека таа позира на странец.
Да се издржи // Ашона живее со родителите на својот сопруг, а тие се мошне груби кон неа. Има многу обврски во училиштето за медицински сестри, а истовремено мора да ги извршува и сите домашни работи. Се надева дека ќе замине кај својот сопруг во Русија.
Да се обезбеди греење // Бајзо живее во планинското село Кара Арт, близу пустината на Памира, каде температурата понекогаш се спушта дури и до -50 степени Целзиусови.
Да се остане млада // 68-годишната Шукрона се грижи за четири мали внуци. Кога најмалото наполнило седум месеци, неговите родители заминале на привремена работа во Русија.
Да се верува во љубовта // Само една од четирите ќерки на Саера е омажена. Сите момчиња од селото заминале да работат во Русија.
Да се исполни должноста // Бахор се вратила дома по шест години работа во Москва за да се грижи за старите родители.
Да се мечтае // Шахноза оди во училиште каде нема ниту еден наставник по странски јазик. Самата од книги учи руски, англиски и персиски. Мечтае да стане новинарка.
Да се живее без оглед на сè // Малата Дулхуз ја одгледуваат нејзините баба и дедо. Никогаш не ги видела мајка си и татка си.