Русија преговара со Саудиска Арабија за нафтата

Министерот за енергетика на Русија Александар Новак и министерот за нафта на Саудиска Арабија Али ан-Нуајми во вторникот, 12 април, одржаа преговори за замрзнување на производството на нафта, соопшти во средата претставник на руското министерство.

„Потврдуваме дека има преговори“, рече претставникот, пренесува „Лента.ру“.

u0423u0448u0442u0435 u043au043eu043bu043au0443 u043du0430u0444u0442u0430 u0438u043cu0430 u0432u043e u0420u0443u0441u0438u0458u0430?

Преговорите се одржаа во предвечерието на средбата на претставниците на земјите-производители на нафта во главниот град на Катар Доха, планирана за 17 април.

Претходно во вторникот беше соопштено дека Русија и Саудиска Арабија ги усогласиле позициите околу прашањето за замрзнување на производството на нафта, пренесе „Интерфакс“ повикувајќи се на информиран дипломатски извор во Катар.

„Денеска се одржа контакт на претставниците на Саудиска Арабија и Русија при што страните постигнаа консензус по прашањето за замрзнување на производството на нафта“, истакна тој. Соговорникот на агенцијата додаде дека од саудиска страна било потенцирано дека конечната одлука на Ријад ќе биде донесена независно од позициите на Техеран.

Сите права ги задржува „Росијскаја Газета“.