Путин: Русија го помина дното на економската криза

„Низок степен на невработеност – помалку од 6%, умерен износ на надворешниот долг – еден од најниските и суфицит од трговскиот биланс – 160 милијарди долари во 2015 година. Активностите на Банката на Русија за воведување флуктуирачки курс на рубљата ѝ овозможија на економијата да се адаптира и да го задржи високото ниво на резерви во злато – на 1 мај тоа изнесуваше 391,5 милијарди долари. Како резултат на тоа – и ова го признаваат експертите – дното на кризата во 2015 година може да се смета за поминато“, изјави Путин, пренесува „Взгљад“.

„Особено ќе истакнам дека нашата економија ја докажа својата стабилност во услови на неповолна надворешна конјунктура. И би сакал во врска со тоа да истакнам дека антикризните мерки на владата на Руската Федерација ја обезбедија поддршката за клучните сектори во економијата и стабилноста на финансискиот пазар“, изјави Путин во текот на самитот Русија-АСЕАН.

u0420u0443u0441u0438u0458u0430 u0433u0438 u0437u0433u043eu043bu0435u043cu0443u0432u0430 u0434u0435u0432u0438u0437u043du0438u0442u0435 u0440u0435u0437u0435u0440u0432u0438

Претходно во четвртокот министерот за економски развој Алексеј Уљукаев изјави дека економијата на Русија во целост се адаптирала на санкциите и дека во моментов нема макроекономски ефекти од нив.

И министерот за финансии на РФ Антон Силуанов исто така изјави дека руската економија се адаптирала на новите услови и до крајот на годината треба да дојде до позитивно темпо на раст.

Агенцијата „Блумберг“ пишуваше дека, според мислењето на западните аналитичари, економијата на Русија во моментов ги преживува најголемите промени во последните 15 години и дека рецесијата може да заврши веќе во третиот квартал од оваа година.

Сите права ги задржува „Росијскаја Газета“.