Не пропуштајте!
Придружете се на Russia Beyond на Телеграм за повеќе есклузивни содржини
На крајот на јуни руските дипломци се збогуваат со студентскиот живот и својот универзитет. Покрај традиционалните церемонии како што се врачувањето дипломи и празничните вечери со генерацијата и професорите, на многу универзитети има и неформални средби на кои студентите весело го одбележуваат денот кога ја добиле дипломата.
Најспектакуларниот и најпознат обичај го имаат дипломците на Московскиот државен технички универзитет „Бауман“. Идните инженери ќе си наточат пиво, ќе стават шлем и седнуваат во лимен леѓен со старите белешки од предавањата па така се спуштаат по скалилата на студентскиот дом, а потоа леѓенот се закачува за автомобил и се влече по целиот крај додека не се направат дупки во него. Можете ли да си замислете каква врева е тоа? Полицијата во 2016 година официјално ја забрани таквата „забава“ бидејќи станарите на околните згради се жалеа постојано, но дипломците не се откажуваат од своите обичаи. Ако ништо друго, барем да се лизгаат во леѓен. Патем, порано инженерите ги полагаа дипломските испити зиме, па леѓените не правеа толкава врева на снег.
Дипломците на Уралскиот федерален универзитет во Екатеринбург имаат сличен „откачен“ обичај.
На предавање
Иља Питалев/TASS„Постои обичај студентите на медицина да запалат голем логорски оган во близина на студентскиот дом и да ги палат белешките од латински, хирургија, неврологија и други страшни предмети“, вели Александар Виљаев, дипломец на Уралскиот државен медицински универзитет во Екатеринбург. На Томскиот политехнички универзитет се палат и работните тетратки.
Дипломците на други универзитети прават „дожд“ од своите белешки од наставата. На Сибирскиот државен медицински универзитет во Томск, студентите од прва година ги сечат своите тетратки на ситни парчиња и ги фрлаат низ прозорците. Овој гест во извесна смисла ја симболизира промената на генерациите.
Студентите по медицина одат на вежби во бели мантили и по завршувањето на студиите имаат навика симболично да ја уништат таа униформа. На пример, на Волгоградскиот државен медицински универзитет дипломците се потпишуваат на своите мантили, потоа ги кинат на парчиња и секој си задржува парче за спомен.
На Универзитетот „Инополис“ во близина на Казањ студентскиот дом е споен со училниците и студентите можат да дојдат на предавање во влечки, што некои и навистина го прават! Пред неколку години студентите дојдоа на гала-прославата во влечки додека останатите гости беа во свечени одела. Потоа универзитетот одлучи во рамките на дипломската прослава да воведат журка „Влечки на годината“. Студентите покрај тоа ја добиваат и „гипсената нога на ректорот“ како награда „За исклучителни неакадемски достигнувања“.
Споменикот на Иван Сеченов во Москва.
Сергеј Пјатаков/SputnikНиколај Пирогов и Иван Сеченов се легендарни руски лекари кои дале огромен придонес во развојот на медицината. Во Москва нивните споменици се наоѓаат еден до друг, па дипломците на медицинските факултети им даваат „брза помош“ со ставање медицински капи и ги завиткување во завои. Понекогаш наместо завои користат тоалетна хартија!
Дипломците на Воената академија „Фрунзе“ во Санкт Петербург му облекуваат морнарска маичка со синобели пруги („тељњашка“) на споменикот на првиот руски морепловец Иван Крузенштерн на кејот на реката Нева. Тељњашка од нив добива и Херкул во Александрискиот парк кај Адмиралитетот, како и орелот на Чесменскиот столб во градот Пушкин.
При користење на материјалите на Russia Beyond задолжителен е хиперлинк до изворот од кој е преземен материјалот.
Претплатете се
на нашиот билтен!
Добивајте ги најдобрите стории на неделата директно во вашето сандаче
