Научници: Рускиот дел на Каспиското езеро може да исчезне за 75 години

Дини на десниот брег на Каспиското езеро.

Дини на десниот брег на Каспиското езеро.

Нијаз Аксанов
Со сегашното темпо на глобалното затоплување рускиот дел од Каспиското езеро ќе пресуши во 75 години.

До таков заклучок дојдоа американски, руски и француски научници. Соодветната студија е објавена во журналот Geophysical Research Letters, соопштува Американското геофизичко друштво.

Секоја година во периодот од 1996 година до 2015 година, нивото на водата во Каспиското езеро, како што покажаа научниците, се намалувало за седум сантиметри годишно. Само во текот на наведениот период индексот паднал за приближно 1,4 метри, што засега е еден метар над историскиот минимум, регистриран на крајот на 1970-тите години (29 метри под морското ниво).

Експертите предвидуваат понатамошно опаѓање на нивото на водата во Каспиското езеро. Најмногу од сè тоа ќе се случува во северниот дел на езерото, кој му припаѓа на Русија и Казахстан, каде е најмалата длабочина (околу пет метри). Се предвидува целосно сушење на оваа област на езерото, ако се задржи сегашното темпо на затоплување стапки, по 75 години. Како причина за пресушувањето на езерото се наведува зголемувањето на температурата на површинскиот слој на атмосферата (во текот на последните триесет години за еден степен Целзиусов) поради глобалното затоплување.

До такви заклучоци авторите дошле анализирајќи ги податоците од сателитите на мисијата GRACE (Gravity Recovery And Climate Experiment) и копнени набљудувања од четири станици.

Каспиското езеро се наоѓа меѓу Европа и Азија. Излез на езерото имаат пет земји. Тоа зафаќа површина од 371 илјади квадратни километри. Освен  нафта, гас и сол, езерото е дом на околу 90 отсто од светската популација на есетра, пренесува „Лента.ру“.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња