Во Русија првпат вградени две механички „срца”

Операција на срце во Федералниот центар за Кардиоваскуларна хирургија во Челјабинск.

Операција на срце во Федералниот центар за Кардиоваскуларна хирургија во Челјабинск.

Александар Кондратук/РИА „Новости“
На една девојка ѝ е вграден компактен систем со две аксијални пумпи кои ја вршат контрактилната функција на срцето.

Првпат во руската медицинска практика се вградени две механички „срца“ на 20-годишна девојка ранета во напад, пишува „Метроњуз“. Операцијата беше изведена од страна на хирурзите на Сибирскиот биомедицински „Мешалкин“ во Новосибирск.

На девојката ѝ е вграден компактен систем со две аксијални пумпи кои ја вршат контрактилната функција на срцето. Едната пумпа ја зема крвта од левата комора на срцето и ја префрла во аортата, а другата ја префрла крвта десната преткомора во белодробната артерија. Ефикасноста на овој систем е еднаква на работата на срцето.

„Обично во случај на инсуфициенција и на десната и левата срцева комора на пациентите им се вградуваат пумпи со пневматски погон. Тоа се гломазни системи и човекот е принуден да се движи со количка во која се наоѓа компресор кој обезбедува воздух. На Кристина ѝ е вграден систем кој е стопати помал од таквите системи“, вели кардиологот Дмитриј Доронин.

Од биомедицинскиот центар објаснуваат дека во нападот девојката се здобила со неколку рани од нож: повредени ѝ биле внатрешните органи и срцето. Тоа довело до масивен инфаркт на миокардот во кој умреле 80% од мускулното срцево ткиво кое ги врши контракциите. Кај пациентката дошло до целосна срцева инсуфициенција која предизвикала сериозна дистрофија на внатрешните органи: црниот дроб, бубрезите и белите дробови.

„Поради промените во внатрешните органи на девојката не можеше да ѝ се изврши трансплантација на срце. Единствениот применлив метод на лекување беше механичкото одржување на циркулацијата на крвта“, се цитираат во соопштението зборовите на раководителот на центарот за операција на аорта, коронарни и периферни артерии Александар Черњавски.

Операцијата траеше речиси шест часа. Според експертите, девојката го преживеала најтешкиот период. Контролното испитување покажа дека организмот постигнал физиолошка рамнотежа и дека е компензирана штетата која во организмот ја предизвикала срцевата инсуфициенција. Девојката заздравува. Јаде добро и многу се движи. Планирано е наесен да ѝ се изврши трансплантација на срце.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња