„Ла Кроа“: Руските жени сакаат мажи „како Путин“ и решаваат за сѐ место нив

Русинки.

Русинки.

Shutteckstock / Legion Media
Во Русија поговорката „Човекот е главата, а жената е вратот“ е актуелна како никогаш досега и е одраз на комплексноста на односот помеѓу мажот и жената, смета „Ла Кроа“. Новата книга на француската новинарка Морен Демидоф, како што пишува изданието, е посветена на улогата на жената во современото руско општество. На жените, кои ја сакаат својата татковина и силни мажи „како Путин“, а исто така, и покрај финансиската зависност, ја задржуваат во своите раце целосната контрола.

Во Русија постои поговорка која, според „Ла Кроа“, совршено ја одразува комплексноста на односите помеѓу мажот и жената: „Човекот е главата, а жената е вратот“. А главата се движи само благодарение на вратот, кој управува со неа, додава една од женските хероини на книгата на француската новинарка Морен Демидоф „Главата и вратот: историја на жените на Русија“.

Хероините на книгата, се чини, проживеале неколку животи под различни режими. Сите зборуваат за нивниот секојдневен живот, љубовта кон татковината и силните мажи „како Путин“. Тоа се дефинитивно жени со карактер. Веднаш станува јасно дека тие го заземаат централното место во руското општество.

Според една московски психоаналитичар, жените во Русија сонуваат за вистинскиот маж „обдарен со апсолутна моќ“. Како што истакнува француското издание, тие насекаде ја покажуваат својата женственост и сметаат дека е природно да се остане дома и да се грижат за децата додека сопругот се грижи за финансиските приходи на семејството.

Сепак, жените, исто така, признаваат дека „токму тие одлучуваат за сè“. Жените можат да го избркаат својот маж од дома или, на пример, „да му свртат грб“.  Жените продолжуваат да студираат, основаат компании, поднесуваат барања за развод, ги штитат своите деца. Со еден збор, жените покажуваат сила и моќ.

Жените, и покрај финансиската зависност, ја задржуваат во своите раце целосната контрола. Ова се однесува како на трошоците, така и на воспитувањето на децата, пишува „Ла Кроа“. 

„Ние им наредуваме на оние кого треба да го цениме: оние, кои ни се мили, кои ни помагаат во домашните работи и кои се занимаваат со децата“, вели една од хероините на книгата. „Ние не знаеме што сакаме. И затоа по навика велиме дека секогаш сме несреќни. И тоа нѐ смее“, пренесува RT.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња