„Лада Приора“ стана најдобриот автомобил за руските пензионери

Авотм обили „Ладаа“ на Московскиот меѓународен саем на автомобили 2016 година.

Авотм обили „Ладаа“ на Московскиот меѓународен саем на автомобили 2016 година.

Сергеј Савостјанов/ТАСС
Експертите за пазарот на автомобили ги избраа првите пет автомобили кои се најудобни и најдостапни за луѓето на пензиска возраст во Русија.

Како што пишува интернет-изданието iReactor, на прво место е Lada Priora на рускиот концерн „Автоваз“.

Експертите сметаат дека „Лада Приора“ е сигурен и удобен автомобил со простран багажник. На пазарот на користени автомобили може да се купи автомобилот за околу 190 илјади рубли (околу 2700 евра).

Второто место во топ 5 автомобили, погодни за пензионери, е „Форд Фјужн“. Овој модел може да се купи за 230 илјади рубли (околу 3200 евра). Автомобилот има сосема економична потрошувачка на гориво (6 до 8 литри на 100 км).

Третото место е за „Шевроле Нива“. И покрај потрошувачката на гориво, овој автомобил е идеален за секоја хортикултурна област, според експертите. Овој автомобил може да се купи по цена почнувајќи од 190 илјади рубли.

На четвртото место е „Хјундаи Соларис“. Нов може да се купи од 495 илјади рубли (7000 евра) или пазарот на користени автомобили од 300 илјади рубли (4200 евра). Експертите сметаат дека овој модел е лесен за одржување.

Листата со топ-5 автомобили за пензионери ја затвора легендарниот ВАЗ-2107. Може да се купи за 100 илјади рубли (1400 евра) – и тоа, велат експертите, во совршена состојба. Според експертите, овој автомобил е погоден за оние кои имаат големо искуство во поправка на автомобили, затоа што „седмицата“ сака да прави проблеми - не секоја постара личност може да чепка под хаубата, пишува iReactor, пренесува „Рамблер“.

При користење на материјалите на Russia Beyond задолжителен е хиперлинк до изворот од кој е преземен материјалот.

Овој веб-сајт користи колачиња. Кликнете овде за да дознаете повеќе.

Прифати колачиња