Медиум: Русите се гостољубиви како никој во Европа по првата бариера

Руско семејство

Руско семејство

Матвеев/РИА „Новости“
При првата средба многумина Руси изгледаат затворени, незадоволни, понекогаш едноставно лути, пишува данскиот весник „Политикен“.

При првата средба многу Руси изгледаат затворени, незадоволни, непретприемчиви, понекогаш едноставно како лути, пишува данскиот весник „Политикен“. Независно дали е тоа полицаец, продавачка, работничка во трафика или сосед во зграда. Сето тоа е мошне остро. Насмевката се третира како нешто бесмислено и не сосем одмерено.

Но, што ќе ја поминете првата бариера, ќе откриете дружељубивост, љубезност и гостопримство какви што тешко можат да се најдат во Европа.

Приказната често се преувеличува за тоа колку Русија и Русите се поразлични. И Русите сакаат да зборуваат за „руската душа“, иако тие се толку многу различни меѓусебно, колку и Данците и другите Европејци, се наведува во статијата што ја пренесува ИноСМИ.  

Како компонента на таа душа често се наведува духовноста (иако современите забавни програми на руската телевизија практично и не се разликуваат од италијанските по површноста и помпезноста, на пример), православието (иако малку Руси одат во црква), традиционалните семејни вредности (иако разводите, абортусите и случајниот секс се неверојатно распространети), патриотизмот (иако многумина Руси се иронични по повод она што се случува во земјата, како и по повод раководството, вклучувајќи го и Путин), пишува данскиот новинар.

Другите состојки, кои покритички настроените набљудувачи ги откриваат во руската душа се дефетизмот, цинизмот и комплексот на пониска вредност кој често се манифестира како надменост. И меланхолијата.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња