Првиот руски сателит направен на 3Д-печатач оди во вселената на 17 август

Првиот руски сателит, печатен на 3Д-печатач (Томск -TPU-120" – ќе биде лансиран во вселената од Меѓународната вселенска станица (МВС) на 17 август.

Ова го соопштува прес-службата на Томскиот политехнички универзитет (ТПУ), кој е еден од конструкторите на наносателитот.

Според информациите на ТАСС, сателитот се наоѓа на МВС уште од пролетта 2016 година.

„Во понеделникот (24 јули) ќе биде извршена проверка на работната способност на сателитот и на наполнетоста на неговите акумулаторски батерии од опремата на станицата. Оперативното лансирање е планирано за 17 август“, се вели во соопштението на прес-службата на ТПУ што го пренесува RT.

Сателитот ќе го лансираат космонаутите Фјодор Јурчихин и Сергеј Рјазански.

Печатениот на 3-Д печатач сателит ќе биде во вселената за период до шест месеци и ќе пренесува на Земјата информации за својата температура, на колата и батериите, како и параметри на електронските компоненти.

Во мај беше објавено дека „Томск-ТПУ-120“ испратил поздравен сигнал. 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња