Руската армија во 2018 со модернизиран хеликоптер Ми-28НМ „Ноќен ловец“

Руската војска ќе ја добие модернизираната верзија на хеликоптерот Ми-28НМ „Ноќен ловец“ во 2018 година, изјави командантот на Воздушно-космичките сили на Русија Виктор Бондарев.

Сериската испорака на модернизираниот хеликоптер Ми-28НМ „Ноќен ловец“ со двојно управување ќе започне во 2018 година. Ова го изјави командантот на Воздушно-космичките сили (ВКС) на Русија генерал-полковник Виктор Бондарев, пренесува „Газета.ру“.

„За Ми-28НМ нема ниту едно отстапување. Тоа е прекрасен хеликоптер, многу ни е потребен. Во 2018 година е планирано да завршат пробно-конструкторските работи и ќе оди кај војската“, изјави Бондарев во текот на авиосаемот МАКС-2017.

Тој истакна дека хеликоптерот ќе го добијат сите авијациски единици, затоа што има двојно управување и овозможува на него да се обучуваат млади пилоти.

Во мај 2016 година беше соопштено дека холдингот „Хеликоптери на Русија“ подготвила за Министерството за одбрана на РФ нова модификација на „Ноќниот ловец“.

 

При користење на материјалите на Russia Beyond задолжителен е хиперлинк до изворот од кој е преземен материјалот.