Командантот на ВКС зборуваше за разработката на воените конвертоплани

Во Русија за воени потреби се прават конвертоплани и тешки беспилотни летала, соопшти командантот на Воздушно-космичките сили на РФ генерал-полковник Виктор Бондарев.

„Работите во Русија течат во сите насоки – и малите, и средните, и големите беспилотни летала, и конвертопланите“, изјави Бондарев, пренесува „Взгљад“.

Тој истакна дека беспилотните летала во иднина се предвидени да бидат вградени во единствен систем за управување, а ќе работат во „јато“, што значитечно ќе ја направи поевтина обуката за операторите на беспилотните летала. Тој истакна дека е поскапо да се обучи пилот отколку „да се стави во авионот добар автопилот“.

Ако сега еден оператор може да управува со едно-две беспилотни летала, со текот на времето, со развојот на копнената компонента тој ќе може да управува со пет, па и со десет апарати“, рече Бондарев, истакнувајќи дека токму поради тоа ќе биде поевтино.

На 18 јули холдингот „Хеликоптери на Русија“ (Вертолеты России) соопшти дека новиот руски конвертоплан VRT300 ќе влезе во сериско производство во 2018 година.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња