Видео: Путин на МАКС-2017 ги честеше руските министри сладолед

За време на посетата на Меѓународниот авиокосмички саем МАКС-2017 во Жуковски, претседателот на Русија Владимир Путин ја почести со сладолед владината делегација.

Разгледувајќи ја изложбата, шефот на руската држава во придружба на многубројна делегација составени од членови на владата и раководствата на индустриски претпријатија дојде до штандот со сладолед. „Што нудите?“, ја праша Путин продавачката. Откако го дозна асортиманот, рускиот претседател се реши за сладолед.

Видеото го објави на својот профил на „Твитер“ дописникот на „Комсомолскаја правда“ Дмитриј Смирнов.

Путин плати со банкнота од илјада рубли, и додека продавачката го броеше кусурот, тој реши да ги почести функционерите кои го придружуваа. „Дајте им за кусурот“, рече Путин, покажувајќи со главата кон придружбата.

„Многу од нас сакаат“, забележа првиот човек на „Ростех“ Сергеј Чемезов. Тој од своја страна ѝ подаде на продавачката банкнота од пет илјади рубли. „Колкава ви е добивката годинава – 80 милијарди“, му се обрати шефот на руската држава. „Може да си дозволите да си купите сладолед“.

Путин традиционално купува сладолед на МАКС. Во септември 2016 година тој му подари кутија сладолед на претседателот на Кина Си Ѓинпин, пишува „Лента.ру“.

 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња