МО на РФ раскажа за руското ласерско оружје

Вооружените сили на Руската Федерација поседуваат ласерско оружје, изјави заменик-министерот за одбрана на Русија Јуриј Борисов.

Руската армија има ласерско оружје, изјави за „Интерфакс“ во вторникот заменик-министерот за одбрана на Русија Јуриј Борисов.

„И нив (ласерите) ги имаме. Има разни ласери: според начинот на примена, според дострелот, според објектите против кои дејствува“, изјави Борисов на авиосаемот „МАКС-2017“.

„И ние имаме такви разработки“, изјави Борисов, коментирајќи ја информацијата дека САД одржале тестирања во Персискиот залив на првото во светот ласерско оружје.

Минатата година на форумот „Армија“ Борисов изјави дека Вооружените сили на РФ имаат одделни примероци на ласерско оружје. „Тоа е воздушен систем и копнен“, изјави тој.

На 19 јануари Борисов на средба со академици на РАН изјави дека Министерството за одбрана на Русија очекува сериозен напредок во сферата на разработка на ласерско и електромагнетно оружје.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња