Поморската авијација на Русија работи на авиони од нова генерација

За поморската авијација на ВМФ на Русија се прават противподморнички авиони од нова генерација, соопшти командантот на Поморската авијација на Русија генерал-мајор Игор Кожин.

Кожин соопшти дека новите авиони треба да ги заменат постојните. Разработката „се ближи кон крајот“. Покрај тоа, се работи „на создавање перспективни повеќенаменски хеликоптери со бродско и копнено базирање“, пренесува „Взгљад“.

Кожин соопшти за длабоката модернизација на 60% од противподморничките Ил-38, како и дека се модернизирани повеќе од половината противподморнички хеликоптери.

„Извршен е голем обем на работа за обнова на готовноста и модернизација на транспортно-борбените хеликоптери Ка-29. Во функција се веќе 20 такви летала и продолжува работата за модернизација на целиот парк такви хеликоптери“, изјави Кожин.

Повеќе од половината авиони Су-33 добија нови системи за борбена примена врз поморски и копнени цели. Сега нивниот „потенцијал е покачен на нивото на Су-30СМ“. Останатите Су-33 на Поморската авијација исто така ќе поминат низ модернизација.

До 2018 година на современите барања ќе одговараат 60% од авиопаркот. 

Кожин потсети дека последниве две години Поморската авијација доби повеќе од 20 Су-30СМ. Исто така, формиран е и нов полк од ловци МиГ-29.

Во понеделник се одбележува 101 годишнина од формирањето на Поморската авијација на ВМФ на Русија. 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња