Во Сибир се наоѓа улицата со најдолгото име во Русија

Името на улица во сибирскиот град Бердск кој се состои од 15 зборови, беше признато за најдолгото во Русија, соопшти „Росијскаја газета“. Фактот е потврден официјално од Книгата на рекорди на Русија.

„Территория, изъятая из земель подсобного хозяйства Всесоюзного центрального совета профессиональных союзов для организации крестьянского хозяйства“ - така се нарекува улицата. Називот се состои од 15 зборови или 132 знаци“ изјави за Росијскаја газета главниот уредник на Гинисовата книга на рекорди на Русија Станислав Коненко. „Името ѝ е дадено на 4 мај 2016 година“, додаде тој.

Патем, граѓаните кои живеат на улица, не се особено задоволни од добиената слава. Тие се тужат со градската администрација со инсистирање нивните живеалишта да добијат поудобна адреса.

„Дојдовме тука од Иркутската област, откако се пензиониравме. Купивме куќа, имавме адвокат, ништо не ни навестуваше проблеми. Сега не можеме на оваа адреса да си ги оформиме ниту пензиите, ниту да одиме во странство - во пасошите адресата ни е напишан со улицата од 15 зборови, а тоа не го собира на местото кое треба да се пополни“, се жали локалната жителка Марина Алексеева.

При користење на материјалите на Russia Beyond задолжителен е хиперлинк до изворот од кој е преземен материјалот.