Ученик од Русија победи на меѓународна олимпијада по хемија

Руската екипа од четири претставници освои две златни и две сребрени медали, а еден од учесниците е и апсолутен победник на Олимпијадата.

Првото место на 49 Меѓународната олимпијада по хемија го освои московскиот ученик Александар Жигалин, објави прес-службата на Министерството за образование и наука на Русија. Руската екипа од четири претставници освои две златни и две сребрени медали.

Александар Жигалин е ученик на Пироговската школа во Москва, соопшти прес-службата. Тој не само што освои златен медал, туку е и апсолутен победник на натпреварувањето кое во петокот заврши на Тајланд, пренесува „Интерфакс”.  

Златен медал исто така доби и Руслан Котљаров од Казањ, две сребрени медали освоија Екатерина Жигалева од Тјумен и Кирил Козлов од Москва.

Екипата ја подготвуваа деканот на Факултетот за хемија при МГУ „Ломоносов” академик Валериј Лунин и доцентот на МГУ Илја Глебов, кој пред неколку години и самиот освои златен медал на оваа олимпијада.

Министерката за образование и наука на Русија Олга Василева ѝ честиташе на екипата, истакнувајќи дека сите претставници на Русија се враќаат дома со медали „и така уште еднаш го докажуваат високото ниво на руската хемиска школа”.

При користење на материјалите на Russia Beyond задолжителен е хиперлинк до изворот од кој е преземен материјалот.