Руските војници во Сирија склучија примирје со властите во Латакија

Рускиот Центар за помирување на завојуваните страни потпиша договор за примирје во Латакија, а воедно испорача и хуманитарна помош на жителите.

Командата на руските војници во Сирија и раководството на провинцијата Латакија потпишаа договор за прекин на огнот, соопшти за новинарите офицерот од рускиот Центар за помирување на завојуваните страни во Сирија Александар Воронцов, пренесе РИА Новости во саботата (24 јуни).

Според него, сличен документ за таква крупна територија од земјата, каква што е провинција Латакија, Русите потпишуваат за прв пат. Досега договори се склучувале само за одделни населени места.

Воронцов изјави дека руските војници од Центарот им обезбедиле на жителите на Ал-Серкезија прехранбени производи.

„На жителите на населбата Ал-Серкезија им предадоа 350 пакети со прехранбени производи, во секој од нив има ориз, брашно, месни конзерви и чај“, изјави тој за новинарите.

За време на предавањето на хуманитарната помош 10-годишно девојче ја загуби свеста - руските лекари кои се наоѓаат во хуманитарниот кордон, веднаш му укажаа помош на детето. Според прелиминарните податоци девојчето се онесвестило од глад - руската амбуланта ја одведе во клиника во Латакија.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња