Совет за човекови права на РФ: Наваљни е провокатор

Претседателот на Советот за човекови права при претседателот на Русија Михаил Федотов ги нарече како контрапродуктивна провокација повиците на Алексеј Наваљни за учество во неодобрениот од властите на Москва протест на улицата „Тверскаја“.

Според Федотов, во текот на неодобрената акција покрај луѓе кои свесно дошле на митингот биле приведени и минувачи кои немале намера да учествуваат во протестот.

Притоа Федотов ги нарече приврзаниците на Наваљни жртви на „контрапродктивна провокација“.

„Тие не сфаќаа дека се предмет на провокација. Мислам на однесувањето на господинот Наваљни, кој ги повика своите приврзаници да одат на „Тверскаја“, наместо да учествуваат во договорената со властите на градот манифестација на проспектот „Академик Сахаров“, изјави Федотов, пренесува „Взгљад“.

Тој изрази мислење дека, доколку Наваљни навистина сака промени кон подобро во политиката на Русија, тие треба да се постигнат со законски методи.

Претходно активистот за човекови права Лев Пономарев го обвини Наваљни дека го изневерил протесното движење.

Симоновскиот суд во Москва во понеделникот одреди 30-дневен притвор за Наваљни.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња