Околу 2,5 милиони луѓе на улиците на Москва го славеа Денот на Русија

Министерството за внатрешни работи на Русија за Москва соопшти дека на улиците на рускиот главен излегле околу 2,5 милиони луѓе за да го прослават Денот на Русија.

Околу 2,5 милиони луѓе учествуваа во Москва во празничните манифестации и масовни прошетки посветени на Денот на Русија. Ова го соопштува МВР на Москва на својот сајт во понеделникот, 12 јуни.

„Припадниците на полицијата заедно со претставници на Росгвардија и доброволните народни дружини ја обезбедуваат сигурноста на јавниот ред и мир“, истакнува прес-службата на МВР на Москва, пренесува „Лента.ру“.

Во Москва во понеделникот се одржа историска реконструкција во рамките на фестивалот „Времиња и епохи“ и други празнични настани.

На проспектот „Сахаров“ се одржа митинг на опозицијата кој учесниците се обидоа да го префрлат на улицата „Тверскаја“. Според податоците на полицијата, на протестот излегле 1800 луѓе. МВР соопштува за приведени, меѓутоа не го наведува нивниот точен број.

 

 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња