Индија и Пакистан примени во Шангајската организација за соработка

Лидерите на државите-членки на Шангајската организација за соработка ги потпишаа одлуките за прием на Индија и Пакистан во организацијата.

Документот е финалната фаза на процедурата за прием на двете земји и им дава статус на држави-членки на ШОС.

„Уверени сме дека соработката на Индија и ШОС ќе ги обележи новите насоки и ќе даде нов поттик на борбата со тероризмот во регионален контекст, напорите на ШОС ќе помогнат во поттикнувањето на мирот и стабилноста во Авганистан“, изјави премиерот на Индија Нарендра Моди. Тој истакна дека неговата држава станува членка на ШОС по 12 години учество како набљудувач и изрази увереност дека овој чекор ќе ја издигне соработката со учесниците во организацијата на ново ниво.

Пакистанскиот премиер Наваз Шариф им се заблагодари на земјите-основачи на ШОС „за постојаната и непроменета поддршка за членството на Пакистан во организацијата“. „Ние исто така сме му благодарни на генералниот секретар на ШОС и на целата екипа на ШОС за ефикасниот процес на нашето присоединување“, изјави Шариф.

На заседанието на Советот на шефови на државите-членки на ШОС, кое се одржа во проширен состав, учесниците потпишаа конвенција за спротивставување на екстремизмот и донесоа декларација за заедничко спротивставување на меѓународниот тероризам, пренесува РИА „Новости“.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња