Руски деминер рапува во Алепо

Рускиот војник, припадник на Меѓународниот деминерски центар на ВС на Русија Дмитриј Профута се прослави на социјалните мрежи благодарение на рапувањето на една од улиците во Алепо – видеото со неговиот настап се прошири на интернет дури сега, иако е снимено уште во јануари.

На видеото Профута рапува на една од улиците во Алепо, додека во позадина се гледаат неколку БРТ-82а. Музиката се слуша од звучници од теренско возило.

„Проверувавме една од улиците во Алепо, јас одев и снимав некакви силни детали кои се спојуваа во строфа“, раскажува Профута. Според него, импровизираниот концерт се одржал уште на 21 јануари на неговиот професионален празник - Денот на инженериските сили, меѓутоа видеото поради некои причини испливало на социјалните мрежи дури сега.

„Едноставно решив да ѝ дадам таков подарок на нашата група, одбрав музика и почнав да си ја рецитирам песната. Командирот ми рече дека далеку ќе стигнам. Иако всушност сакам да се запишам во Тјуменската виша воена инженерска командна школа и да завршам за офицер“, истакна Профута.

Профута бил во Сирија двапати – во Палмира и во Алепо. Со рап се занимава од 9-годишна возраст и има настапувано на концерти.

На социјалните мрежи видеото предизвика вистинско воодушевување. „Деминерот растура во Сирија! Да ти е мерак да го гледаш и слушаш!“, пишуваат корисниците на социјалните мрежи, жалејќи се притоа на лошиот квалитет на видеото, пренесува „Взгљад“.

 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња