Толпа Мексиканци нападна Русин во Канкун затоа што ги навредувал

Жители на мексиканскиот град Канкун го нападнаа Русинот Алексеј Макеев поради неговите постојани навреди против Мексиканците на социјалните мрежи, соопштува локалниот весник „Ексцелзиор“.

А. Макеев снимал и објавувал на својот канал на YouTube од есента минатата година видеа со навреди упатени кон Мексиканците додека живеел во Канкун. Притоа последното видео било објавено пред 6 месеци. Исто така, имало постови и на страницата на Русинот на „Фејсбук“.

Група Мексиканци, откако дознала каде живее Русинот, го опколила неговиот дом и го натерала да излезе на улица. Полицајците успеале да го спасат мажот од линч, кој сепак се здобил со рани.

Порталот „Палко Квинтанароенсе“ прецизира дека вознемирените локални жители најпрвин сакале да поразговараат со Русинот. Макеев ги навредувал од покривот на куќата, потоа излегол и ранил со нож еден младич кој потоа починал во болница. Токму тој напад ги натерал Мексиканците да почнат да го тепаат Русинот.

Според информации од отворени извори, Русинот пред неколку години напаѓал деца и баби во Русија, снимајќи го сето тоа на видео. Посетувал психијатар. На страниците на А. Макеев на социјалните мрежи е наведено дека тој работи како инструктор по нуркање во „Акваворлд Канкун“, пренесува „Интерфакс-туризам“.

 

 

 

При користење на материјалите на Russia Beyond задолжителен е хиперлинк до изворот од кој е преземен материјалот.