Политиколог за трите фронта на новата студена војна меѓу Русија и САД

Американскиот политиколог, професор на Универзитетот во Принстон Стивен Коен верува дека односите меѓу Русија и САД минуваат низ најопасната фаза во својата историја.

„Се работи за тоа дека сега се води студена војна, независно од тоа како ја нарекуваме. Таа има три фронта, а на секој од нив ситуацијата може да прерасне во вооружен конфликт од големи размери“, изјави Стивен Коен во разговор со новинарката Софико Шеварнадзе во нејзината емисија SophieCo на RT.

Според него, првиот фронт го претставуваат балтичките земји, во кои НАТО го зголемува присуството без преседан според своите размери.

Вториот фронт е во Украина, а граѓанскиот конфликт претставува всушност, како што вели тој, „индиректна војна меѓу Русија и Западот“.

Третиот фронт е во Сирија, потсетува Коен и истакнува дека руските и американските авиони летаат во истиот воздушен простор.

„Може да се случи сѐ што сакате. Затоа очекуваме дека нашето раководство (а особено претседателот на САД) ќе покажат политичка мудрост и ќе ја намалат формираната затегнатост, за да бидеме сите безбедни“, истакна политикологот.

Притоа тој додава дека тоа нема да биде едноставно затоа што шефот на Белата куќа Доналд Трамп е „парализоиран“ поради обвинувањата за „врски со Русија“.

 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња