Путин ги повика земјите од Евроазија да се откажат од воинствена реторика

Рускиот претседател Владимир Путин за време на својот говор на форумот „Еден појас - еден пат“ во Пекинг на 14 мај ги повика земјите од Евроазија да се откажат од воинствена реторика, која сее раздор меѓу земјите и ја спречува нормалната соработка, објави „Известија“.

Путин ги нарече милитантните пристапи застарени и неспособни да ги решат постоечките проблеми на сегашноста, истакнувајќи дека тие го спречуваат создавањето на големото евроазиски партнерство.

„Нерамнотежа во социоекономскиот развој, кризата на досегашните модели на глобализацијата водат до негативни последици за односите меѓу државите, за меѓународната безбедност. Сиромаштијата, социјалната негрижа, колосалниот расцеп во нивото на развој на земјите и регионите создаваат почва за меѓународен тероризам, екстремизам и илегална миграција“, истакна претседателот на Русија.

Путин изрази уверување дека Евроазија е способна да ги надмине противречностите и да ги реши проблемите. Страните на континентот, според него, можат да развијат заедничка програма која ќе се одрази позитивно на сите држави. Со решавањето на проблемите согласно соработка и откажувањето од закани, Евроазија е способна да му покаже на светот пример за заедничка, иновативна и конструктивна иднина, изјави претседателот.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња