Захарова: американските медиуми се во "интелектуална агонија"

Информацискиот простор во САД „се наоѓа во интелектуална агонија“, изјави во четвртокот (11 мај) портпаролот на руското Министерство за надворешни работи Марија Захарова, пренесува изданието „Взгљад“.

„Се добива одржливо чувство дека американскиот информационен простор се наоѓа во интелектуална агонија“, напиша таа на својот профил на Фејсбук.

Коментарот дојде откако американски новинари постојано го прашуваа рускиот министер за надворешни работи Сергеј Лавров по средбата со државниот секретар на САД Рекс Тилерсон во Вашингтон во средата за влијанието на разрешувањето на директорот на ФБИ врз односите помеѓу САД и Русија. Потоа „локалните медиуми сами“ се разнесоа со „историјата со протоколарната слика од средбата на рускиот министер со Трамп“.

На преговорите со Тилерсон во Вашингтон во средата Лавров се пошегува во врска со разрешувањето на директорот на ФБИ Џејмс Коми. На прашања од новинари на оваа темата, Лавров одговори саркастично: „Што, отпуштен ли е? Сигурно се шегувате!“.

Реакцијата на првиот дипломат на Кремљ беше повикување на реакцијата на самиот Коми, кој, според медиумите, ја дознал веста за отпуштањето од телевизија. Откако ја слушнал, тој се изнасмеал и помислил дека тоа е некаква анегдота.

При користење на материјалите на Russia Beyond задолжителен е хиперлинк до изворот од кој е преземен материјалот.