Шојгу им го честиташе на војниците и на ветераните Денот на победата

Алексеј Никољскиј / РИА Новости
Рускиот министер за одбрана Сергеј Шојгу во вторникот (9 мај) им го честиташе на војниците и на ветераните Денот на победата и издаде наредба денот да биде одбележан со артилериска почесна стрелба, соопшти „Взгљад“

„Другари војници и морнар, подофицери и старешини, помлади офицери, мичмани и офицери! Драги ветерани! На 9 мај Русија одбележува сенароден празник - Денот на победата“, се наведува во честитка објавена на сајтот на руското воено министерство. 

Шојгу истакна дека 9 мај „останува симбол на вистинскиот патриотизам и на духовното величие на нашиот народ“, кој не само што ја одбранил својата земја, ами и ја ослободил Европа од нацизмот. Министерот го истакна и „величието на подвигот“ на советските луѓе на фронтот и нивниот „несебичен труд“ во тилот и  го истакна континуитетот на борбените традиции меѓу советските и руските војници.

Денешните бранители на татковината „чесно го вршат војничкиот долг, сигурно стојат на стража на безбедноста на земјата, успешно ги решаваат задачите поврзани со борбата против меѓународниот тероризам“, изјави Шојгу.

Тој им посака на сите „здравје, среќа, благосостојба, нови успеси и достигнувања за доброто на татковината“ и издаде наредба во градовите на Русија да започне артилериски почесна стрелба во 22:00 часот по локално време.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња