Во Сан Франциско забележани мистериозни авиони од Русија

Очевидец раскажа дека минатата недела на аеродромот во Сан Франциско видел „таинствен“ транспортен авион Ан-124 „Руслан“ на руската компанија „Волга-Днепар“ кој, како што се покажа, редовно слетува на овој аеродром последниве недели, соопштуваат медиумите.

Авионот, како што си мислел очевидецот и автор на статијата, првпат по подолго време се појавил на аеродромот, меѓутоа, се покажало дека во Сан Франциско последниве две недели авиони Ан-124 слетуваат редовно, соопштува „Травел Скилс“.

Вработените на аеродромот одбија да дадат детални информации, потврдувајќи дека тоа е Ан-124 кој редовно слетува на тој аеродром последниве недели. Притоа од аеродромот соопштија дека следниот лет е веќе „вечерва“ (текстот е објавен на 3 мај). Од каде доаѓаат овие авиони и што превезуваат, од аеродромот не соопштуваат.

„Сум видел на аеродромот Ан-124 и претходно, но тоа беше многу ретко. И вистинска новост е тоа што тие толку често слетуваат на овој аеродром – понекогаш по два на ден“, изјави авторот на статијата.

На интернет се појави и видео со Ан-124 во Сан Франциско на 24 април, пренесува „Взгљад“.

 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња