Во Самара приведени пензионерки кои на 1 мај „позајмиле“ трамвај

Под дејство на алкохол другарките решиле да „позајмат“ еден трамвај и да се „потсетат на старите времиња“.

Пензионерките кои под дејство на алкохол украдоа трамвај по првомајските демонстрации се приведени во Самара.

Осомничените А.Н. Антипова, родена 1957 година, и Д.М. Кљученко, родена 1958 година, беа приведени по пријава до полицијата поради гласно пеење. Претставниците на редот и мирот ги препознаа во пензионерките „првомајските крадливки на трамвај“ и ги однесоа во полициска станица, пренесува порталот „Фибстер.ру“.  

Пензионерките признаа дека го грабнале трамвајот и објаснија дека до заминувањето во пензија работеле на иста трамвајска линија: Кљученко била возач, а Антипова кондуктер. Под дејство на алкохол другарките решиле да го „позајмат“ трамвајот и да се „потсетат на старите времиња“. Во текот на возењето тие превезле околу 250 патници и заработиле 1350 рубли. Парите ги потрошиле на алкохол и пита со месо.

Началникот на градското сообраќајно депо ги препознал осомничените поранешни колешки. Тие се пуштени на слобода, а им сезаканува казна до 200 илјади рубли или лишување од слобода до седум години.

 

При користење на материјалите на Russia Beyond задолжителен е хиперлинк до изворот од кој е преземен материјалот.