Путин и Ердоган: Руско-турските односи се вратија во нормала

Претседателот на Русија Владимир Путин и претседателот на Турција Реџеп Таип Ердоган во Сочи имаа потполно успешни и плодотворни преговори во Сочи, оценија двајцата лидери.

Путин и Ердоган се договорија за укинување на сите трговски ограничувања со исклучок на доматите, за кои санкциите ќе останат уште некое време.

Шефот на руската држава потсети и на работата за изградба на новиот гасовод „Турски тек“: „Неговата реализација ќе овозможи суштински да се зацврсти енергетската безбедност на Турција и Европа и да се прошират можностите на Русија за извоз на гас“.

Во Сочи беше дискутирано и за изградбата на АЕЦ „Акују“ во Турција, чии инвестиции се проценуваат на 22 милијарди долари.

Страните исто така се договорија да го поедностават визниот режим за низа категории руски и турски граѓани, вклучително и за стручњаците и бизнисмените.

Важен напредок е постигнат и околу прашањето на сириското регулирање: Москва и Анкара се договорија за создавање „зони на деескалација“ во сириската провинција Идлиб.

На заедничката прес-конференција Путин и Ердоган со задоволство констатираа: обновата на руско-турските односи заврши и тие се вратени во нормала, пренесува ТАСС.

 

 

 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња