Руски војник загина во Сирија

Рускиот воен советник, потполковник Алексеј Бучељников загина во Сирија од снајперски истрел, соопштува Министерството за одбрана на Русија.

Во задачите на советникот спаѓала обука на сириските артилериски единици, пренесува „Взгљад“.

„Во текот на извршување на активности за боева обука сириската единица била подложена на снајперски оган од страна на милитантите. Потполковникот Бучељников се здобил со смртоносна рана“, соопшти рускиот воен ресор.

Загинатиот ќе биде предложен за државно одликување.

На 20 април беше соопштено дека при напад на милитантите врз гарнизон на сириската армија херојски загинал рускиот воен советник, мајор Сергеј Бодров.

При користење на материјалите на Russia Beyond задолжителен е хиперлинк до изворот од кој е преземен материјалот.