ТВ „Ѕвезда“: На Крим пронајден брод со нацистичко богатство

Нуркачи недалеку од Евпаторија на Крим го пронајдоа бродот Boy Feddersen кој потонал 1943 година, соопштува ТВ „Ѕвезда“.

Порталот на телевизијата „Ѕвезда“ пишува дека нуркачи недалеку од Евпаторија на Крим го пронајдоа бродот Boy Feddersen кој потонал 1943 година и наведува дека на бродот можеби има скапоцености кои нацистите се обиделе да ги однесат од полуостровот.

Бродот е изграден 1914 година во Германија, а 1931 година е купен од Советскиот Сојуз и преименуван во Харков. Во 1943 година во текот на офанзивата на германската војска советските морнари го оштетиле бродот, но нацистите успеале да го реконструираат и да го преименуваат во Boy Feddersen.

Бродот на патот од Севастопол до Констанца во 1943 година бил потопен од советските авиони недалеку од Евпаторија. Бродот е пронајден на длабочина од околу 90 метри, изјави за ТВ „Ѕвезда“ раководителот на клубот за длабоководни истражувања „Ростов дајв“ Роман Дунаев.

 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња