Приведен братот на осомничениот за организирање на нападот во Петербург

Според Федералната служба за безбедност на Русија, Акрам Асимов го обезбедувал трансферот на средствата за подготовка на експлозијата во метрото во Санкт Петербург.

ФСБ соопшти дека го уапсила во Москва Акрам Азимов, постариот брат на еден од организаторите на терористичкиот чин во метрото во Санкт Петербург и, исто така, раскажа за неговата улога во подготовката на нападот.

Од ФСБ истакнаа дека „Акрам Азимов помагал во трансферот на паричните средства искористени при подготовката на терористичкиот акт, како и во организирањето на канал за комуникација со емисари на меѓународни терористички организации“.

Портпаролот на Истражниот комитет на Русија Светлана Петренко, од своја страна, изјави дека со Акрам Асимов работат иследници. Според неа, во моментов на листата обвинети за терористичкиот напад во метрото во Санкт Петербург фигурираат 10 луѓе, пренесува „Интерфакс“.

 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња