Двајца осомничени за подготовка на терористички напади убиени во Русија

Осомничените по потекло од Средна Азија беа убиени од припадници на ФСБ при обид за нивно приведување во Владимирската област.

ФСБ на Русија соопштува дека се убиени на територијата на Владимирската област двајца државјани на една од земјите од Средноазискиот регион. Убиените се осомничени за подготвување терористички напади на територијата на Русија и биле на врска со врбувачи за меѓународните терористички организации.

Од Центарот за односи со јавноста на ФСБ истакнуваат дека „наведените лица биле на врска со врбувачи за меѓународни терористички организации, покажувале интерес за технологијата на правење самоделни експлозивни направи и изразувале подготвеност да извршуваат терористички напади на територијата на Русија“.

ФСБ соопштува дека на местото на настанот се откриени компоненти за правење експлозивна направа, автоматска пушка АК-74, пиштол и муниција, пренесува „Интерфакс“.

 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња