Сенатор:Во Авганистан нека раскажуваат за потребата од одржување геј-паради

„САД, без да проверат, се мешаат во туѓите работи со своите претстави за животот, и повеќе од очигледно перверзни“, изјави за весникот „Взгљад“ заменик-претседателот на комитетот на Советот на Федерацијата за меѓународни работи Андреј Климов, коментирајќи ја загриженоста на САД за „состојбата на сексуалните малцинства во Чеченија“.

„Имам впечаток дека во Америка повеќе нема други проблеми, најважно е сексуалните малцинства да живеат добро илјада километри од нив“, изјави заменик-шефот на комитетот на Советот на Федерацијата за меѓународни работи Андреј Климов во интервјуто за „Взгљад“.

Постојаниот претставник на САД во ООН Ники Хејли во вторникот изјави дека САД се загрижени за состојбата на сексуалните малцинства во Чеченија. Доколку се прогонувани, тогаш тоа „не може да се игнорира“, треба да се спроведе истрага и да се казнат оние виновниците за да не се повторуваат слични ситуации во иднина, потенцираше Хејли.

Климов продолжи дека таквата политика на САД потсетува на психичка болест, кога се губи секаква претстава за реалноста. Тој потсети дека на САД насекаде им се причинуваа крвави режими, на Блискиот Исток, во Авганистан, итн.

„Луѓето, без да проверат, се мешаат во туѓите работи со своите претстави за животот, и повеќе од очигледно перверзни... Ете во Авганистан нека раскажат за потребата од одржување геј-паради, да ги видам“, потенцира Климов.

„Тоа зборува за нивната веќе, за жал, навика да се мешаат во внатрешните работи на странски држави. Ние самите сме во можност да се разбереме на територијата на Руската Федерација, имаме функционален правосуден систем и сето тоа треба да се решава во рамките на нашите закони“, додаде тој.

„Очигледно е дека САД паразитираат на антируската тема. Денес – сексуалните малцинства, утре – наводно борба против корупцијата, потоа – некакви религиски приказни... во принцип, сѐ што им одговара“, потенцира Климов. Според него, најважно е упорно да се игра темата дека Русите се негативците и да се користи во меѓупартиската борба, резимира сенаторот.

Во меѓувреме, како одговор на денешната изјава на Хејли, членките на Советот за безбедност на ОН се согласија да одржат прва во историјата седница целосно посветена на човековите права. Седницата „Одржување на меѓународниот мир и безбедност: човековите права и превенција на вооружени конфликти“ ќе се одржи на 18 април.

При користење на материјалите на Russia Beyond задолжителен е хиперлинк до изворот од кој е преземен материјалот.