Најновата хиперсонична ракета „Циркон“ лета со брзина од 8 маха

Според извор во воено-индустрискиот комплекс, најновата руска хиперсонична противбродска ракета „Циркон“ достигнала на тестирањата брзина 8 пати поголема од брзината на звукот.

Според изворот, „во текот на тестирањето на ракетата беше  потврдено дека нејзината брзина во лет достигнува 8 маха“, пренесува „Взгљад“.  

Покрај тоа, како што истакна изворот, ракетата „Циркон“ може да се лансира од универзалните лансери 3С14, кои исто така се користат за проектилите „Калибар“ и „Оникс“.

Дострелот на „Циркон“, според отворени извори, изнесува околу 400 километри; максималната брзина на ракетата од 4-6 маха.

Во февруари, информиран извор соопшти дека хиперсоничната ракета „Циркон“, наменета за подморници од типот „Јасен“ и „Хаски“, првпат може да биде лансирана од пловило оваа пролет.

Во април 2016 година извор во рускиот воено-индустриски комплекс истакна дека „Циркон“ треба да биде пуштен во сериско производство во 2018 година.

При користење на материјалите на Russia Beyond задолжителен е хиперлинк до изворот од кој е преземен материјалот.