Украински генерал ги наведе условите за напад на Русија
Украина треба да го одбере времето кога Русија максимално ќе биде слаба за да почне воени операции против неа, изјави поранешниот заменик на началникот на генералштабот на Вооружените сили на Украина генерал-потполковник Игор Романенко.
„Да преминеме сега во директен масовен судир со Русите, на мој поглед, е несоодветно. Исто како нив во 2014 година, треба да го одбереме времето кога тие максимално ќе ослабат“, ги пренесува зборовите на Романенко порталот „Обозреватељ“.
Тој изјави дека во моментов треба да се активира целото искуство насобрано во текот на конфликтот во Донбас, како и сите меѓународни можности и да се пристапи на чекори против Русија „сѐ до водење борбени дејствија“.
„Војската секогаш треба да биде подготвена за примена. При воено-политичка потреба тоа треба да биде реализирано“, тврди Романенко, пренесува „Взгљад“.
При користење на материјалите на Russia Beyond задолжителен е хиперлинк до изворот од кој е преземен материјалот.