Трамп: Тилерсон заврши „прекрасна работа“ во Москва

Претседателот на САД Доналд Трамп високо ја оцени работата на државниот секретар Рекс Тилерсон на преговорите на Г-7 и во Москва.

Според зборовите на американскиот лидер, дипломатот го промовирал „зајакнувањето на единството на НАТО“ и „безбедносните интереси н САД и сојузниците.

„Сакам да ја истакнам прекрасната работа што ја заврши државниот секретар Рекс Тилерсон за зајакнување на единството на НАТО, како и неговата посета на Москва за промовирање на интересите на безбедноста на САД и нашите сојузници“, изјави Трамп по средбата со генералниот секретар на НАТО Јенс Столтенберг.

„Тој заврши огромна работа, само што видов дел од неа – тоа е огромна работа!“, додаде американскиот претседател.

Според Трамп, преговорите на Тилерсон поминале успешно, меѓутоа важно е да се почека конкретниот резултат.

„Наскоро ќе поразговарам со државниот секретар Тилерсон. Мислам дека имаше успешна средба во Русија, ќе видиме какви ќе бидат резултатите, важни се токму резултатите, а не само разговорот“, истакна Трамп.

Тој потенцираше дека односите меѓу Вашингтон и Москва се наоѓаат „можеби на најниското ниво во историјата“, сепак изрази надеж за подобрување на ситацијата.

„Русија е силна земја, ние сме многу силна земја, ќе видиме како сето тоа ќе испадне“, додаде Трамп, пренесува РИА „Новости“.

 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња