Берлин: Трамп треба да ја коригира политиката во Сирија

Вашингтон не треба да оди на понатамошна ескалација на конфликтот во Сирија и американскиот претседател Доналд Трамп треба да ја коригира својата позиција, изјави шефот на германската дипломатија Зигмар Габриел.

„Невозможно е да се потпирате само на воена акција, тоа ќе доведе до ескалација на конфликтот, до загинување на луѓе“, изјави Габриел за телевизијата ЗДФ.

„Фактички ние ја принудуваме Русија на солидарност со Асад“, потенцира Габриел.

Тој повика на прекин на „верноста“ на Русија кон Асад по политички пат.

Без Русија, Иран, Саудиска Арабија и САД ситуацијата во Сирија нема да се смени, потенцира министерот за надворешни работи на Германија, истакнувајќи дека европските политичари „работат на тоа“, пренесува „Взгљад“

 

 

При користење на материјалите на Russia Beyond задолжителен е хиперлинк до изворот од кој е преземен материјалот.