Путин и Рухани: Недопустлива е агресијата на САД против Сирија

Претседателите на Русија и Иран Владимир Путин и Хасан Рухани разговараа телефонски за ситуацијата околу Сирија, вклучувајќи го и неодамнешниот напад на САД врз сириската воздухопловна база, лидерите ја истакнаа недопустливоста на агресивните дејствија на Вашингтон кои ги кршат нормите на меѓународното право, соопштува прес-службата на Кремљ

„Се одржа размена на мислења за ситуацијата во Сирија. Од двете страни беше истакната недопустливоста на агресивните дејствија на САД против суверена држава, што ги прекршува нормите на меѓународното право. Путин и Рухани се изјаснија за објективна, непристрасна истрага за сите околности на инцидентот со хемиското оружје на 4 април во сириската провинција Идлиб“, се вели во соопштението на Кремљ.

Лидерите, исто така, ја истакна важноста од продолжувањето на тесната соработка за политичко и дипломатско решавање на вооружениот конфликт во Сирија.

„Беше дискутирано за текот на спроведувањето на договорите постигнати во рамките на одржаната на 27-28 март официјална посета на Рухани на Русија. Посебно внимание беше посветено на клучните аспекти на билатералната соработка во антитерористичката сфера, изразена е подготвеност за понатамошно продлабочување со цел  обезбедување на стабилноста и безбедноста на Блискиот Исток“, соопштува Кремљ.

Телефонскиот разговор се одржа на иницијатива на иранската страна, пренесува „Интерфакс“.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња