Воздушно-космичките сили на Русија ќе добијат системи С-500

Воздушно-космичките сили на Русија во најскоро време ќе го примат во состав на своето вооружување напредниот ракетен систем С-500, изјави командантот на ВКС генерал-полковник Виктор Бондарев.

„Ние секоја година добиваме по пет комплети ракетни системи С-400, нови радари – тоа темпо ни одговара, тече понатамошниот развој, со индустријата не стоиме во место, со забрзано темпо се разработува најновиот систем С-500 и во најскоро време ќе влезе во состав на вооружувањето на противвоздушната одбрана“, изјави Бондарев, пренесува РИА „Новости“.

Претходно началникот на Воената академија на воздушно-космичката одбрана „Жуков“ генерал-потполковнк Владимир Љапоров изјави дека Вооружените сили на Русија веќе почнале да обучуваат специјалисти за работа на С-500.

С-500 спаѓа во новата генерација ракетни системи „земја-воздух“. Тоа е универзален систем со далечен дострел и висинско пресретнување со радиус од 600 километри. Системот може истовремено да неутрализира до 10 балистички ракети кои летаат со брзина до 7 километри во секунда, како и авиони, хеликоптери и крстосувачки ракети.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња