Русија во ООН ги обвини САД за помагање на тероризмот

Агресијата на САД против Сирија само придонесува за зајакнување на тероризмот, изјави заменикот на постојаниот претставник на Русија во ООН Владимир Сафронков на седницата на Советот за безбедност на ОН.

Според заменикот на постојаниот претставник на Русија во ООН, реакцијата на Западот на нападите со хемиско оружје на терористите на Блискиот Исток е флагрантен доказ за двојните стандарди, пренесува РИА „Новости“.

„Денешните апели да се придвижи процесот на политичко решение се лицемерни. По воените напади, за жал“, потенцираше Сафронков.

„Во врска со ова, на платформите во Астана, Женева во последно време се наѕираа видливи позитивни придвижувања. Кои цели ве водеа кога го поткопувавте тој напредок, постигнат, патем кажано, Она што цел што имале на ум кога ќе го поткопа овој напредок, патем кажано, воопшто не благодарение на вас?“, ѝ се обрати на американската страна рускиот дипломат.

Сафронков, исто така, ја критикуваше работата на Организацијата за забрана на хемиското оружје во Сирија. Според него, мисијата не работи совесно, „претпочитајќи да се фокусира на соопштенијата на опозиционерите, материјали од интернет, социјалните мрежи и на цела низа невладини организации со многу сомнителна репутација“.

„И вие сакате да се согласиме со тие податоци? Тие не вредат ни скршена пара“, резимираше дипломатот.

Тој истакна дека Западот „дури не го ни интересираше независна непристрасна истрага од страна на надлежните структури на она што всушност се случило“.

„Ќе кажам уште нешто – вие се плашевте од неа. Зашто нејзините резултати ќе ја побијат вашата антирежимска парадигма“, изјави рускиот заменик на постојаниот претставник.

Сафронков потенцираше дека САД, Франција и Велика Британија се опседнати од идејата за соборување на претседателот на Сирија Башар Асад. Тој, исто така, го нарече однесувањето на британскиот амбасадор Метју Рајкрофт „злобно и недипломатско“, повикувајќи го да престане „да оперира со лигава, непрофесионална аргументација“.

Седницата на Советот за безбедност на ООН е посветена на ракетниот напад на САД во сириската провинција Хомс.

 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња