Медиум: Специјален оддел на ФБИ ќе го истражува руското „влијание“

Портпаролот на ФБИ не ја коментираше наведената вест.

Федералното биро за истраги (ФБИ) има намера да креира специјален оддел во седиштето во Вашингтон за координација на сите истраги за наводните обиди на Русија да влијае врз претседателските избори во САД во 2016 година. Ова го соопштува весникот „Фајненшел Тајмс“ повикувајќи се на информиран извор запознаен со наведениот план.

Овој чекор, кој покажува колку сериозно Бирото ги разгледува изјавите за вмешаноста на Русија во американската политика, исто така, има за цел да му овозможи на директорот на ФБИ Џејмс Коми подобро да навлезе во најситните детали на истрагата, пишува изданието. „Ова значи зголемување на ресурсите“, ги цитира весникот зборовите на еден од агентите на ФБИ.

Формирањето на една таква времена структура го одразува пристапот на Бирото кон другите чувствителни истраги кои се однесуваат, особено, на откривањето од страна на организацијата „Викиликс“ на тајните документи на американската влада и (податоците) за употребата на Хилари Клинтон на приватната пошта додека беше на функцијата државен секретар на САД, се вели во статијата. Како по правило, ФБИ претпочита дека за конкретни истраги беше ангажирано еден од неговите 56 оперативни оддели, меѓутоа, резонантната природа на истрагата против Русија бара раководење од центарот, прецизира весникот.

Официјалниот претставник на ФБИ не сакаше да ја коментира оваа вест, пренесува ТАСС.



 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња