Лидерот на Молдавија е против отворањето на канцеларија на НАТО во Кишинев

Раководството на Северноатлантската алијанса треба да се откаже од планираното за летоска отворање на канцеларија во Кишинев, изјави претседателот на Молдавија Игор Додон.

Додон потенцира дека Молдавија е неутрална држава која нема потреба од биро за врска со НАТО, пренесува „Взгљад“.

„Ако се отвори, тогаш јас како шеф на државата и командант на вооружените сили ќе се борам за негово затворање“, додаде тој.

Додон додаде дека го смета отворањето на канцеларијата на НАТО за „предизвик за молдавското општество“.

Претходно во четвртокот генералниот секретар на НАТО Јенс Столтенберг по средбата со премиерот на Молдавија Павел Филип изјави дека Алијансата во најскоро време ќе отвори мала канцеларија во Кишинев.

Додон и претходно изјавуваше дека иницијативата за отворање на канцеларија на НАТО во Кишинев претставува провокација  на неговите политички противници и соопшти за намерата за укинување на спогодбата за отворање на биро.

 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња