Стејт департментот ги осуди приведувањата на протестите во Русија

Вашингтон ги повика властите на РФ итно да ги ослободат сите мирни демонстранти.

Стејт департментот на САД ги осуди масовните приведувања на акциите на опозицијата кои вчера се одржаа во руските градови, соопштува Си-Ен-Ен.

„Соединетите Држави решително го осудуваат апсењето на стотиците мирни демонстранти ширум цела Русија во неделата. Приведувањата на мирни демонстранти, поборници за заштита на човековите права и новинари претставува кршење на основните демократски вредности“, се вели во писмениот одговор за „Интерфакс“ на вршителот на должноста портпарол на Стејт департментот Марк Тонер.

Како што истана Тонер, „ние со загриженост дознавме за апсењето на опозиционерот Алексеј Наваљни по неговото пристигнување на демонстрацијата, како и за полициските проверки во организацијата за борба со корупцијата на чие чело е тој“.

„САД ќе ја следат оваа ситуација и ние ја повикуваме владата на Русија веднаш да ги ослободи сите мирни демонстранти“, изјави Тонер.

Во неделата во Москва и некои други градови во Русија се одржаа несанкционирани акции на протест против корупцијата. Во Москва за нарушување на јавниот ред и провокативни дејствија против полицијата беа приведени околу 500 лица.

При користење на материјалите на Russia Beyond задолжителен е хиперлинк до изворот од кој е преземен материјалот.