Грушко главен кандидат за постојан претставник на РФ во ООН

Постојаниот претставник на Русија во НАТО Александар Грушко е главниот кандидат за местото постојан претставник на РФ во ООН, соопштија неколку извори во Државната дума.

„Кандидатурата на Грушко се разгледува меѓу главните за таа функција“, изјави соговорникот на РИА „Новости“.

Втор извор во Долниот дом на парламентот ја потврди оваа информација.

Покрај тоа, уште два други извора потврдно одговорија на прашањето дали Грушко е главен кандидат за функцијата постојан претставник на Русија во ООН.

Портпаролот на рускиот претседател Дмитриј Песков изјави дека Кремљ сѐ уште нема решено кому ќе ја додели функцијата постојан претставник.

Местото на постојан претставник на Русија во ООН остана празно на 20 февруари по смртта на Виталиј Чуркин, кој ја вршеше таа функција од април 2006 година.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња